Gürcüstanda təhsil

Gürcüstanda təhsil

Gürcüstanda Təhsil

Gürcüstan Bolonya Prosesinə rəsmi olaraq qatılmış ölkələrdən biridir və bu onu Avropada vahid təhsil məkanının bir hissəsinə çevirir. Gürcüstanın nüfuzlu universitetlərinin ilk üçlüyünə Tbilisi Dövlət Universiteti, İlia Dövlət Universiteti və Tbilisi Müstəqil Universiteti daxildir. Bu universitetlər abituriyentlərin karyeralarında inanılmaz yüksəkliklərə çıxmasına imkan verəcək əla bir fürsətdir.

Gürcüstanda ali təhsil ödənişli əsaslarladır lakin buna baxmayaraq, ödəniş digər Avropa ölkələri ilə müqayisədə çox aşağıdır və bu da məhdud maliyyə imkanları olan lakin universitetdə təhsil almaq istəyən hər bir tələbə üçün əlverişlidir. Müəllim və professor heyəti peşəkar kadrlar, elmi dairələrdə dünya səviyyəsində tanınmış professorlardır. Gürcüstanda xarici tələbələr üçün təhsil maksimum dərəcədə rahatlığa yönəldilmişdir - həm tədris prosesinin, həm də asudə vaxtın effektivliyini artırmaq üçün elmi və təcrübə laboratoriyaları, kompüter laboratoriyaları, müxtəlif dərnəklər və bölmələr, eləcə də təchiz olunmuş idman salonları və stadionlar vardır.

Gürcüstanda ali təhsilin üstünlükləri:

• Təhsilin qiyməti
  Şübhəsiz ki, Gürcüstanda ali təhsilin qiyməti digər ölkələrlə müqayisədə çox aşağıdır. Avropanın verdiyi diplomu burada böyük maliyyə sərf etmədən ala bilərsiniz.
• İş imkanları
  Gürcüstanda yüksək maaşlı bir mütəxəssis ola və seçdiyiniz sahədə karyera qurmanıza kömək edəcək yüksək keyfiyyətli təhsil ala bilərsiniz.
• Müxtəlif dillərdə təhsil
  Gürcüstan universitetlərində təhsil müxtəlif dillərdə, o cümlədən rus və ingilis dillərində aparılır ki, bu da bütün tədris prosesini xarici tələbələr üçün rahat edir.

Gürcüstanda yaşam xərcləri

Ayda ortalama olaraq mənzil qiymətləri 150-500 EUR , aylıq yemək 100 EUR-a qədərdir. Orta hesabla bir tələbə ayda kommunal xidmətlər üçün 55 EUR xərcləyir. Gürcüstanda ucuz səyahət metodu -  taksilərdir, gediş haqqı 1 ilə 3 EUR arasındadır. Ümumilikdə tələbələr aylıq yaşayış xərclərinə 300-450 EUR xərcləyirlər. Gürcüstanda yaşayış qiyməti Azərbaycandakından 11% ucuzdur.

Gürcüstanda təhsil xərcləri

Tapa biləcəyiniz ən aşağı qiymət Gürcüstandakı təhsilin qiymətidir. Təhsil aldığınız sahəsindən asılı olmayaraq bakalavr dərəcəsi üçün 1000 EUR ilə 2500 EUR arasında bir məbləğ ödəyəcəksiniz. Beynəlxalq tələbələrdən təhsil və yaşayış haqqını bir il əvvəl ödəmələri tələb olunmur – ən azı 4 ayı ödəyə bilərlər. Gürcüstan universitetlərinə müraciət üçün son tarix proseduru yoxdur. Məbləğ Gürcü Larisi ilə ödənilir.
Bakalavr dərəcəsindən fərqli olaraq, magistr və doktorantura proqramları illik 4000 EUR-a qədər ola bilər.

Gürcüstanda olan təqaüd imkanları:

• hökumət təqaüdləri
• özəl fondlar
• universitetlərin öz təqaüdü

Gürcüstanda illik tibbi sığorta haqqı təqribən 65 EUR-dur. Bu sığorta tələbələrin bütün sağlamlıq problemləri üçün Gürcüstan səhiyyə sistemindən pulsuz faydalanmasına imkan verir.

Müraciət etmək üçün tələblər

Əksər universitetlərdə xarici tələbələr müsahibə əsasında qəbul olunur və yalnız bir neçə universitet ingilis dilində tədris olunan dərəcə proqramına qəbul üçün IELTS tələb edir. Ümumiyyətlə, məktəbinizdən və ya universitetinizdən İngilis dilində danışıq səviyyəsini məqbul bildiyinizi təsdiqləyən rəsmi bir sənəd almanız belə kifayətdir.

Universitetlər bu sənədləri tələb edirlər:

• Onlayn müraciət forması
• Qeydiyyat Forması – seçilmiş kursları əhatə edən bir siyahı
• Doğum haqqında şəhadətnamənin surəti
• Şəxsiyyət vəsiqənizin surəti
• Xarici pasportunuzun surəti
• Pasport ölçülü fotoşəkil
• Bakalavra müraciət zamanı attestat, digər dərəcələrə müraciət edərkən müvafiq dərəcə diplomları və transkript